Merekelik shoý Meksıka men Ońtústik Afrıka Respýblıkasy quramalary arasyndaǵy ashylý matchyna shamamen bir jarym saǵat qalǵanda bastalady.
Uıymdastyrýshylar álemdik juldyzdardyń qatysýymen aýqymdy mýzykalyq baǵdarlama ázirledi.
Sahnada David Guetta, EJAE, Megan Thee Stallion jáne áıgili ıtalııalyq tenor Andrea Bocelli óner kórsetedi.
Keshtiń basty mýzykalyq oqıǵasy Shakıranyń óner kórsetýi bolmaq. Kolýmbııalyq ánshi nıgerııalyq ártis Burna Boymen birge týrnırdiń resmı áni – «Dai Dai» kompozısııasyn oryndaıdy.
Sondaı-aq shoýǵa J Balvin, Tyla, Danny Ocean jáne Alejandro Fernández qatysady.
Qazaqstandyq jankúıerler álem chempıonatynyń ashylý saltanatyn jáne Meksıka – OAR matchyn Qazsport telearnasynan tikeleı efırde tamashalaı alady.
Álem chempıonatynyń alǵashqy oıyny Mehıkodaǵy áıgili Estadio Azteca stadıonynda ótedi.
Meksıka men OAR quramalary arasyndaǵy kezdesý Astana ýaqyty boıynsha saǵat 00:00-de bastalady.
Fýtboldan álem chempıonaty-2026: Oıyndardyń tolyq kestesi men ýaqyty
